今日去左食蘭香園食撈丁, 已經唔係第一次食, 今次試左"芝麻汁牛肉撈丁"同一向有食開o既"蔥油雞扒撈丁"~
所謂"芝麻汁", 的而且確有芝麻, 但個汁其實係黑椒汁~ 蔥油雞扒撈丁對我黎講味道稍為淡啲, 我都係鐘意五香肉丁撈丁多啲!
講真o個句, 雖然佢大部分o野食味道都唔錯, 但麵質稍為淋左啲, 而且撈丁咁易整...未至於值得排長隊去食呀...
 
下午睇<<Marley &Me>>, 已經忍住忍住, 都喊左三分一場戲 ~>_<~
可能自己結左婚, 睇住個故事發展, 有啲似睇住我o既人生路咁~
見到個女主角懷孕十星期發覺胎死腹中, 好慘, 俾著我, 我諗我都會一時間接受唔到 ><
跟住睇住個女主角生左2個baby o個時發晒癩咁, 又怕左隻狗, 又狂鬧老公...死啦, 我覺得我可能會係咁! 因為我一向都唔係好受到壓力, 而且女人有可能有婚後抑鬱...
睇住個女主角發癩, 個男主角都默默忍受, 雖然唔開心, 但都想同老婆一齊去面對, 一齊去解決問題, 冇放棄過個老婆仔女, 什至隻狗, 好感動!!! 我希望Kevin都會好似佢咁, 如果有一日我受唔住發晒脾氣, 有咩令你唔開心, 你都會好好同我傾, 一齊去面對~~~
睇住個女主角發完癲, 後來知錯, 同老公講返自己諗法, 又好似我...因為我又係其實好明白老公o既心情, 有時知佢幾時開心唔開心, 有時佢有進步, 我明明好開心, 但唔知點解把口就好衰咁淨係識o係度怨o係度話佢, 其實我有因為你o既改變而開心, 其實我好欣賞你架!!! >o<
又聽個女主角話想辭左份工, 想自己親自去揍個b, 如果要選擇, 佢唔會犧牲佢家庭...我都好想講依句呀!!!
雖然我係不嬲都唔想做o野, 但我係真心想自己一手揍大個b呀! 我都係最多唔介意做到第二個b出世 (3年抱兩), 但到兩個都係小朋友時, 我真係好想好想放多d心機專心o係個family度~ 我並唔係為左懶而想話第日唔做架!!! ><
見到Marley啲naughtyo野, 周圍咬o野, un人地, 自己走左去, 咬狗帶, 怕行雷狂吠, 錫唔停, 等等, 真係好鬼死似小克仔同prince仔呀!!!! 我知道狗o既壽命唔會好長, 最多都係十幾年...雖然一早有心理預備, 但真係唔敢想像佢老左好辛苦, 有病痛, 什至要離開我o個一刻呀 ~><~ 希望佢會健健康康, 長命啲, 亦唔洗好辛苦咁行人生最後一段路啦....><
 
睇完戲o係The Gateway行街街, 今日竟然係老公睇啱衫先, 跟得我耐, 佢啲taste真係好左!! 佢買左zara兩件衫, 好型呀!!!!
而我亦俾佢o既taste影響左, 開始喜歡行casual路線....市道唔好, 依兩日o係in fashion, bossini同ztamp買左幾件平t-shirt襯下衫~

 

 

Nike出左新籃球鞋, 我都覺得個款唔錯呢...我同老公都等緊過左農曆新年一齊去買鞋, 哈哈!!!
 
今晚食new york fries-works &poutine~ 我鐘意poutine多啲, 因為works有kidney beans! XP